تبریزیم ای منیم شانلی دیاریم گلدیم

غربت آلمیشدی منیم صبر وقراریم گلدیم

سنه جانیم اولا قوربان ، نه گؤزه ل آدین وار

سنی گؤردوکجه منیم آرتیر عیاریم گلدیم

داغ داشین گولدو چیچک دیر بزنیب چول چمنین

ای منیم شانلی یازیم ، گوللو بهاریم گلدیم

گؤزیاشیم هی آخیری، علتینی سن بیلیسن

قوجا وقتیمده سنه دوشدو گذاریم گلدیم

نه گلیب صرافینان صائب شیرین سخنه

یحیی شیدا ایله آرتیبدی ویقاریم گلدیم

شهریارین اؤلومو سینه مه بیر داغ چکدی

ائله بیلدیم یوخ اولوب ایل و تباریم گلدیم

آند اولا وارلیغیوا عهدیمی سیندیرمامیشام

سنه قورباندی منیم دارونداریم گلدی

جعفری نین اورگی بیرسنیلن چیرپینیری

تربتیم سنده قالیب  اولوی مزاریم گلدیم

 تبریزیم زین العابدین جعفری